Ahiahi ki Nukunonu
E he faigofie te ahiahi ki Nukunonu, kae he matauga
katoatoa ma te manaia. Kamata i Niu Hila pe ko Amelika, ko te koga
mulimuli oi taunuku loa koe ki te fenua ko Apia i Samoa. E manaia
lele te malae vakalele i Apia, ko na mataituhi e iloa ai ko Apia
ko te APW. E mafai ke kui atu ki ei i na malaga tuku hako mai Aukilani,
Niu Hila ma na tahi malaga mai Amelika kui mai Hawaii ma Amelika Samoa.
E taunuku loa koe ki Apia, e lagona ki o tino te hikomaga o te
Polinesia. 'Fai fai malie' ko te faiga ia o te olaga i na motu
aulelei ma te manaia i te koga tena o te lalolagi. Ko Nukunonu ko he
tiketikega vaka manaia mai te uafu o Apia. Ko na malaga a te vaka e
fano taki lua vaiaho, i na tahi taimi e hilia atu foki i te fakalua.
Ko te Ofiha o Tokelau i Apia (TALO), e tu i he tafa auala lahi
(e iloa uma e na kave tavale laku pahehe), e latou iloa te taimi hako
e teka kehe ai te kave. Ko na tino e fia olo ki Nukunonu e tatau
malaga i te MV Tokelau, te vaka ia e fakaaoga nei mo na faigamalaga
ki Tokelau. Ko na meakai manaia, ma te tauhiga/tautuaga i luga o te
vaka e fakavave ai te taimi. I te haohaoa (10 knots) e iei nei ko te
vaka e taunuku i te aho alafaki (30 itula) ki Tokelau. Ko Nukunonu ko
he tahi o na fenua e tolu e ahiahi koe ki ei, ko ietahi fenua ko
Atafu ma Fakaofo. E tukua ia Nukunonu kae haoni mo ietahi fenua.
Ko Nukunonu oioti te iei tona faletali-malo ma te fale nonofo. Ko
tona faletali-malo ma tona fale nonofo e lelei mo ki latou e
fiafia malaga.
TOKELAU LIAISON OFFICE - APIA, SAMOA
Telefoni: +685 20822/20823/22007
Fekihi: +685 21761
HOTEL LUANA LIKI IN NUKUNONU, TOKELAU
Tau: NZ$ 50.00 i te aho, aofia ai na meakai
Telefoni: +690 4140
Fekihi: +690 4108
FALEFA RESORT IN NUKUNONU, TOKELAU
Tau: NZ$ 25.00 i te aho, aofia ai na meakai
Telefoni: +690 4137/4139
Fekihi: +690 4108
|
|
|