E uiga ki Nukunonu
Ko Nukunonu e i lototonu o na fenua e tolu o Tokelau, e 300 maila i luga atu
o Samoa, ma e ite ogatotonu o Niu Hila ma Hawaii.
Na kamata nofoia ia Nukunonu e ni Polinesia mai na fenua tafapili ki ei.
Ko Tokelau nae i lalo o te taukikilaga a Peletania ite 1889. Na fakamatuku
te taukikilaga tenei ki te pulepulega a Niu Hila 1925. I na lipoti a Malo
Kaufakatahi ko na fenua maualalo atonu e galo i te henituli 21, kafai e
tumau pea te hikihiki o te levolo o te tai ki luga.
E tolu ia fenua o Tokelau, ma e tofu te fenua ma te namo e takamilo ai
na motu likiliki kehekehe, ma e tuha e tolu mita i luga ake o te levolo
o te tai. Ko Nukunonu la he tahi o na fenua ienei.
E he iei he malae vakalele i Nukunonu pe ko he tahi fenua o Tokelau. Ko te
lotu Katoliko oioti te i Nukunonu. Ko na alaga manuia (tamaokaiga)
e maua ko te popo, na mea talatalai, na mea lalaga ma te ika.